Will Arnett

Uilyam Emerson Arnett (4 may 1970-ci il təvəllüdlü) kanadalı və amerikalı aktyor və komediyaçıdır. O, daha çox Fox/Netflix telekanalının "Arrested Development" (2003–2006, 2013, 2018–2019) sitkomundakı Gob Bluth və Netflix-in animasiya serialı "BoJack Horseman" (2014–2020) filmindəki eyniadlı obrazı ilə tanınır. O, yeddi dəfə "Primetime Emmy" mükafatına və üç dəfə "Screen Actors Guild" mükafatına namizəd göstərilib. Arnett NBC-nin "30 Rock" (2007–2013) sitkomunda canlandırdığı Devon Banks obrazına görə "Emmy" mükafatına namizəd olub. O, NBC-nin "Up All Night" (2011–2012), CBS-in "The Millers" (2013–2014) sitkomlarında və Netflix-in "Murderville" detektiv serialında rol alıb. O, həmçinin Fox-un "Running Wilde" (2010–2011) sitkomunun və Netflix-in "Flaked" (2016–2017) komediya-dram serialının həm ulduzu, həm həmmüəllifi, həm də icraçı prodüseri olub. Arnett "Let's Go to Prison" (2006), "Blades of Glory" (2007), "Semi-Pro" (2008), "G-Force" (2009) və "Teenage Mutant Ninja Turtles" (2014) kimi filmlərdə çəkilib. Dərin bariton səsi ilə tanınan Arnett, həmçinin "Danny Phantom" (2004–2007), "Ice Age: The Meltdown" (2006), "Ratatouille" (2007), "Horton Hears a Who!" (2008), "Monsters vs. Aliens" (2009), "Despicable Me" (2010), "The Nut Job" film franşizası (2014–2017), "The Lego Movie" franşizası (2014–2019), "Teen Titans Go! To the Movies" (2018), "Chip 'n Dale: Rescue Rangers" (2022) və "Twisted Metal" (2023–) kimi layihələrdə səsləndirmələr edib. Arnett "Arrested Development", "30 Rock" və "BoJack Horseman" layihələrinə görə "Primetime Emmy" mükafatına namizəd olub. 2020-ci ildən etibarən o, Fox-un "Lego Masters" realiti-şousunun aparıcılığını edir. Arnett 2020-ci ildən başlayaraq Şon Heyes və Ceyson Beytmen ilə birlikdə "SmartLess" komediya podkastının aparıcılığını həyata keçirir.