James Marsden

Ceyms Pol Marsden (18 sentyabr 1973-cü il təvəllüdlü) amerikalı aktyordur. O, aktyorluq karyerasına "Saved by the Bell: The New Class" (1993), "Touched by an Angel" (1995) və "Party of Five" (1995) televiziya şoularında qonaq aktyor kimi çıxış etməklə başlayıb. Marsden 2000-2014-cü illərdə "X-Men" film seriyasında Cyclops obrazı, həmçinin "The Notebook" (2004), "Superman Returns" (2006), "Hairspray" (2007), "Enchanted" (2007), "27 Dresses" (2008) və "Anchorman 2: The Legend Continues" (2013) filmlərindəki rolları ilə şöhrət qazanıb. O, "The Butler" (2013) dram filmində Con F. Kennedi, "Sonic the Hedgehog" (2020-ci ildən günümüzə qədər) film seriyasında isə Tom Uakovski obrazlarını canlandırıb. Marsden 2016-2022-ci illərdə elmi-fantastik "Westworld" serialında, 2019-2022-ci illərdə isə "Critics' Choice Television Award" mükafatına namizəd olduğu qara komediya janrındakı "Dead to Me" serialında rol alıb. O, "Modern Family" (2011) və "30 Rock" (2012-2013) sitkomlarında qonaq rolları ifa edib. "Jury Duty" (2023) mokumental serialında özünün qondarma versiyasını canlandıran aktyor bu rola görə "Golden Globe" və "Primetime Emmy" mükafatlarına namizəd göstərilib. Marsden bundan sonra "Paradise" (2025) triller serialında baş rolda çəkilib.