Pakistanlı Kumail (Kumail Nanjiani) bir tərəfdən taksi sürücülüyü edir, digər tərəfdən isə barlarda çıxış edərək komediyaçı kimi özünü inkişaf etdirməyə çalışır. Bu çıxışlarından birində ailə terapevti Emili Qordon (Zoe Kazan) ilə tanış olur və onlar bir-birlərini sevirlər. Lakin bir gün Emili qəfil “Yetkin Still xəstəliyi”nə yoluxur və komaya düşür. Bu müddət ərzində Kumail həm xəstəliyin çətinlikləri ilə mübarizə aparır, həm karyerasını qurmağa çalışır, həm də Emilinin ailəsinə özünü qəbul etdirməklə yanaşı, öz ailəsi ilə yaşadığı mədəni ziddiyyətlərlə üz-üzə qalır.