Kunq-fu ustası Ip Man-in həyatından bəhs edən filmin ikinci hissəsi 1949-cu ildə Honkonqda cərəyan edir və ustanın öz sənətini yaymaq uğrunda mübarizəsindən bəhs edir. Döyüş sənətini geniş kütlələrə öyrədən ilk kunq-fu ustası olan Ip Man, Honkonqda yeni bir həyat qurmağa çalışır. Çətin şəraitdə yaşayan Ip Man, bildiyi təlimləri yaymaq və dolanışığını təmin etmək üçün bir çardağı Wing Chun dərsləri üçün icarəyə götürür. Honkonq döyüş sənətləri ustalarından ibarət bir dərnək isə Ip Man-in açdığı məktəbə qarşı çıxır.