Office Pro Plus lisenziya

Aktivləşdirilməmiş Office sənədləri yalnız oxumağa icazə verir, redaktə və yeni fayl yaratmaq bağlanır. Office lisenziya açarı ilə Word, Excel, PowerPoint və digər proqramlardan məhdudiyyətsiz istifadə edirsiniz. Epin.az-da açar ödənişdən dərhal sonra avtomatik verilir.

Office 2021 Pro Plus paketinə nələr daxildir

Microsoft Office lisenziya paketi gündəlik iş və təhsil üçün lazım olan bütün əsas proqramları əhatə edir.

• Word mətn sənədləri, müqavilələr və CV üçün
• Excel cədvəllər, hesabatlar və maliyyə hesablamaları üçün
• PowerPoint təqdimatlar üçün
• Outlook e-poçt və təqvim üçün
• OneNote qeydlər üçün
• Access verilənlər bazaları üçün
• Publisher broşür və çap materialları üçün

Kimlər üçün uyğundur

• Tələbələr üçün referat, kurs işi və təqdimat hazırlamaqdan ötrü.
• Ofis işçiləri və mühasiblər üçün hesabat və cədvəllərdən ötrü.
• Kiçik biznes sahibləri üçün faktura, müqavilə və e-poçt yazışmalarından ötrü.
• Evdə sənədlərlə işləyən hər kəs üçün.

Office 2021 və 2019 arasında seçim

Office 2019 tanış interfeysi ilə sadə sənəd işləri üçün kifayət edir. Office 2021 isə Excel-ə XLOOKUP, LET və dinamik massivlər kimi funksiyalar əlavə edir, böyük cədvəllərlə işləyənlər üçün daha uyğundur. Hər iki versiya əvvəlki Office-lərdə yazılmış sənədləri problemsiz açır.

Retail lisenziya necə işləyir

Satılan açarlar Retail tiplidir və bir kompüterdə aktivləşdirilir. Lisenziya Microsoft hesabınıza bağlanmır, aktivləşdirildiyi cihazla əlaqələndirilir. Windows-u eyni kompüterdə yenidən quraşdırsanız, Office-i həmin açarla təkrar aktivləşdirmək mümkündür.

Kompüter dəyişdikdə və ya ciddi avadanlıq dəyişikliyi olduqda lisenziya keçərsiz ola bilər. Ona görə açarı uzun müddət istifadə edəcəyiniz kompüterdə aktivləşdirin.

Abunə yoxdur, bir dəfə ödəyirsiniz

Microsoft 365 hər ay və ya hər il ödəniş tələb edir. Office 2021 Pro Plus isə birdəfəlik alınır və müddət bitdi deyə proqramlar bağlanmır. Office lisenziya qiyməti yuxarıdakı siyahıda göstərilir, hansı versiyanın stokda olduğunu da oradan görə bilərsiniz.

Alışdan əvvəl bilməli olduqlarınız

• Office Pro Plus yalnız Windows kompüterlərdə işləyir.
• Açarın versiyası quraşdırdığınız Office versiyası ilə eyni olmalıdır, 2021 açarı 2021 paketini aktivləşdirir.
• Aktivləşdirmə Microsoft serverlərində təsdiqlənir və internet bağlantısı tələb edir.
• Quraşdırma və ya aktivləşdirmədə sualınız olsa, canlı dəstək kömək edir.

Əlaqəli məhsullar

Sistemi aktivləşdirmək üçün Windows lisenziyaları səhifəsinə baxın. Mac istifadəçiləri üçün ayrıca Microsoft Office Mac lisenziyası var. Proqramçılar üçün JetBrains lisenziyaları, oyunçular üçün isə Xbox Game Pass mövcuddur.

Office aktivləşdirmə bir neçə addımdan ibarətdir. Açarı kabinetinizdəki Sifarişlərim bölməsindən və ya sifariş e-poçtundan götürün.

Aktivləşdirmə addımları

1. Kompüterinizdə Office 2021 Pro Plus quraşdırılmayıbsa, əvvəlcə onu quraşdırın. Hansı faylın uyğun olduğunu bilmirsinizsə, canlı dəstəkdən soruşun.
2. Word və ya Excel proqramını açın.
3. Açılan pəncərədə Office-i aktiv et seçimini seçin.
4. 25 simvollu Office məhsul açarını daxil edin və təsdiqləyin.
5. Proqramı bağlayıb yenidən açın, Fayl menyusunda Hesab bölməsində lisenziyanın aktiv olduğunu görəcəksiniz.

Office artıq quraşdırılıbsa

Kompüterdə Office 2021 Pro Plus artıq varsa, onu silməyə ehtiyac yoxdur. Fayl menyusunda Hesab bölməsini açın, Məhsul açarını dəyişdir seçimi ilə yeni açarı daxil edin.

Vacib qeydlər

• Açar yalnız bir kompüterdə aktivləşdirilir.
• Office 2019 açarı Office 2021 paketində, 2021 açarı isə 2019 paketində işləmir.
• Aktivləşdirmə xətası alsanız, xəta mesajının şəklini canlı dəstəyə göndərin.