Film, İkinci Dünya Müharibəsi zamanı törətdiyi cinayətlərə görə məsuliyyətə cəlb edilməsi üçün Adolf Eyxmanın izinə düşən İsrailin Mossad kəşfiyyat qrupunun fəaliyyətindən bəhs edir. 1960-cı illərdə Argentinada cərəyan edən hekayədə, qrupun rəhbəri Piter Malkin nasist hərbi cinayətkarı Adolf Eyxmanı tapmaq üçün bütün sərhədləri aşır. O, tarixin sağalmaz yarasına ədalət gətirməyə çalışarkən, bir tərəfdən də şəxsi ağrılarına rəğmən obyektiv qalmağa cəhd edir. Malkinin bacısını və bacısının uşaqlarını qətlə yetirən Eyxman, həmçinin yəhudilərin Avropadakı toplama düşərgələrinə göndərilməsinə görə də məsuliyyət daşıyırdı. İkinci Dünya Müharibəsindən sonra Avstriyaya, oradan isə Argentinaya qaçan Eyxmanın izini sürən filmin baş rolunda Oskar Ayzek çəkilib. Ssenarisi Metyu Ortona məxsus olan filmin rejissoru Kris Veytsdir.