Cem Yılmaz

Cem Yılmaz (d. 23 aprel 1973, İstanbul) komediya ustası, aktyor, musiqiçi, karikaturaçı, ssenarist və rejissordur. Uşaqlığının ilk 11 ilini Kocamustafapaşa - Samatya'da keçirib. Kocamustafapaşa'dakı Mehmet Akif Ersoy İbtidai Məktəbində 4-cü sinifdə oxuyarkən ailəsi Bahçelievler'ə köçüb. Orta məktəbi Bahçelievler Kazım Karabekir Orta Məktəbində bitirib. Lisey təhsilini Etiler Anadolu Otelçilik və Turizm Peşə Liseyində alıb. Boğaziçi Universitetinin Turizm və Otel İdarəçiliyi fakültəsində oxuyarkən "Leman" adlı yumor jurnalında karikaturalar çəkməyə başlayıb. İlk çıxışını 1995-ci ilin mayında Leman Mədəniyyət Mərkəzində edib. Tamaşalarına Beşiktaş Mədəniyyət Mərkəzində davam edib. Bu çıxışları zamanı minlərlə insanın diqqətini cəlb etməyi bacarıb. Kino karyerası 1998-ci ildə ekranlara çıxan "Her Şey Çok Güzel Olacak" filmindəki Altan rolu ilə başlayıb, daha sonra "Vizontele"də Fikri, "Organize İşler"də Müslüm Duralmaz və "Ramon" filmlərindəki rolları ilə davam edib. Bununla yanaşı, "Hokkabaz" adlı filmi nümayiş olunub. Yüksək büdcəli elmi-fantastik/komediya filmi olan "G.O.R.A." 2004-cü ildə, "A.R.O.G" 2008-ci ildə və "Yahşi Batı" 2010-cu ildə tamaşaçılara təqdim edilib. Filmin ssenarisini yazan Cem Yılmaz ekran əsərində 4 fərqli obrazı canlandırıb. O, həmçinin müxtəlif reklam çarxlarında da rol alıb. Reklam fəaliyyətinə Panasonic markalı mobil telefonların reklamları ilə başlayıb. Daha sonra hərbi xidmətə getməzdən əvvəl, hərbi xidmət mövzusunu da əhatə edən Mavi Jeans reklamlarında çəkilib. Bundan sonra isə ardıcıl olaraq Telsim, Doritos, Opet və Türk Telekom kimi bir çox brendin reklam çarxlarında yer alıb.