Kat Dennings

Kat Dennings kimi tanınan Katherine Victoria Litwack (13 iyun 1986-cı il təvəllüdlü) amerikalı aktrisadır. O, daha çox CBS telekanalının "2 Broke Girls" (2011–2017) sitkomunda Max Black rolu və Marvel superqəhrəman filmləri olan "Thor" (2011), "Thor: Karanlık Dünya" (2013), Disney+ serialı "WandaVision" (2021) və "Thor: Love and Thunder" (2022) filmlərindəki Darcy Lewis rolu ilə tanınır. Dennings 13 iyun 1986-cı ildə Pensilvaniyanın Bryn Mawr şəhərində anadan olub. Anası Ellen Judith Litwack şair və nitq terapevti, atası Gerald J. Litwack isə molekulyar farmakoloq, universitet professoru və kafedra müdiridir. Beş uşağın ən kiçiyi olan Denningsin Geoffrey S. Litwack adlı bir böyük qardaşı var. Ailəsi yəhudi əsillidir. Ev şəraitində təhsil alan Dennings, ənənəvi məktəb olaraq yalnız yarım gün "Friends' Central School"da qeydiyyatda olub. 14 yaşında orta məktəbi erkən bitirərək ailəsi ilə birlikdə Los-Ancelesə köçüb və burada tam zamanlı aktrisalıqla məşğul olmaq üçün "Dennings" səhnə adını götürüb. Bu səhifə könüllülər tərəfindən yazılmış Vikipediya məqaləsinə əsaslanır. Mətn CC BY-SA 4.0 lisenziyası altında mövcuddur; əlavə şərtlər tətbiq oluna bilər.