Robert Knepper

Robert Lyle Knepper (8 iyul 1959-cu il təvəllüdlü) amerikalı aktyordur. O, daha çox Fox telekanalının "Prison Break" dram serialında canlandırdığı Theodore "T-Bag" Bagwell rolu ilə tanınır və bu rola görə "Satellite" mükafatına namizəd göstərilmişdir. O, həmçinin "Hitman" (2007) və "Transporter 3" (2008) filmlərində rol almış, "Heroes" serialının dördüncü mövsümündə heyətə qoşulmuşdur. Son olaraq, o, ABŞ-da 2010-cu ilin payız mövsümündə yayımlanmağa başlayan "Stargate Universe" serialının ikinci mövsümünün heyətinə daxil olmuşdur. Knepperin qarşıdan gələn "Breakout Kings" serialında Theodore "T-Bag" Bagwell rolunu yenidən canlandırması nəzərdə tutulur.