Shaun həyatında hələ heç bir ciddi uğur qazanmayıb. Bütün günü nə üçün işlədiyini belə bilmədiyi işi, iki dəli ev yoldaşı Ed və Pete, sevgilisi Liz və anası arasında keçir. Həyatında ən vacib yer isə özünü rahat hiss etdiyi yeganə məkan olan Winchester adlı bardır. Liz onu diqqətsizlikdə, anası isə bacarıqsızlıqda günahlandırır, dostları isə onun haqqında fikir yürüdəcək qədər belə ağıllı deyillər. Shaun bir gün həyatının fürsətini yaxalayacağını düşünərək vaxtını boşa verərkən, bütün Şimali Londonu zombilər basır. Küçələr ölülərin işğalı altında qalanda və ölüm nəfəsinizin ucunda olanda nə hiss edərsiniz? Əlbəttə ki, Shaun kimi sevdiyiniz hər kəsi xilas etməyə çalışarsınız. Onsuz da xilas ediləcək siyahıda cəmi dörd ad var: Liz, Ed, Pete və anası.