Fransız qanqsterlərinin sonuncusu Jacques Mesrine, ömrü boyu 1 nömrəli xalq düşməni elan edilmişdi. O, mütəmadi olaraq ictimai rəy sorğularının zirvəsində yer alırdı. Parisin mərkəzində polisin yaxın məsafədən açdığı intensiv atəş nəticəsindəki möhtəşəm ölümü onun əfsanəvi statusunu taclandırdı. Elə bir status ki, 1979-cu ildəki ölümündən 30 il keçməsinə baxmayaraq, Jacques Mesrine əfsanəsi bu gün belə canlıdır... Onun həyatı kino tarixində ilk dəfə olaraq iddialı bir layihə ilə böyük ekrana gətirilir. Həm triller, həm də bioqrafik film olan bu layihənin çəkilişlərində tarixi faktlara mümkün qədər sadiq qalınıb. Mesrinedən bir super qəhrəman yaratmaq məqsədi güdməyən filmdə, onun ən qaranlıq tərəfləri də daxil olmaqla, dolğun bir xarakter portreti cızılıb. Hekayənin çıxış nöqtəsi isə bir ikonanın arxasındakı insan olub.