Yorucu bir iş gününün ardından yanğınsöndürən Jeremy Coleman (Josh Duhamel) və iş yoldaşları günün sonunda bir yerdə içki içməyə qərar verirlər. Jeremy içki almaq üçün marketə girəndə təsadüfən satıcının neo-nasist Hagan (Vincent D'Onofrio) tərəfindən amansızcasına öldürülməsinin şahidi olur. Jeremy çətinliklə canını qurtardıqdan sonra Hagan-ın törətdiyi bu cinayəti öyrənən detektiv Mike Cella (Bruce Willis) işi araşdırmağa başlayır. Hagan həbs olunur və Jeremy onu tanıyır, lakin Hagan güzgünün arxasında duranın Jeremy olduğunu bildiyini onun adını və ünvanını səsləndirərək göstərir. Jeremy məhkəmədən əvvəl bütün karyerasını şahidlərin müdafiəsi proqramı üçün qurban verməli olur. Karyerasını itirməyin ağrısı ilə mübarizə aparsa da, şahidlərin müdafiəsi üzrə məmur Talia Durham ilə aralarında yaranan sevgi ona təsəlli olur. Bir müddət sonra Hagan-ın vəkili məhkəməyə həftələr qalmış müvəkkilinin həbsdən çıxmasını təmin edir. Nəticədə Jeremy və Talia-nın həyatı təhlükə altına düşür.