1940-cı illərdə Nyu-Yorklu sosialist oyun yazarı Barton Fink, Los-Ancelesə gedib film ssenarisi yazmaq təklifi aldıqda, bu vəziyyəti qəbul etmək məcburiyyətində qalır. Yerləşdiyi oteldə kinostudiyanın rəhbəri Cek Lipniklə tanış olur və yazacağı ssenarinin aşağı büdcəli bir B filmi üçün olduğunu öyrənir. Yazı makinasında cəmi bir cümlə yaza bilsə də, alışmadığı bu mühitdə ilham tapa bilmir və yaradıcılıq böhranı yaşayır. Oteldəki qonşusu Çarli Medouz isə çox danışan, orta təbəqədən olan bir satıcıdır. Finkin həyatına daxil olan digər insanlar — məşhur ssenarist Meyhyu və onun rəfiqəsi Odri də gənc intellektual yazara ilham verməkdə və ssenarini irəlilətməkdə kömək edə bilmirlər. Stress zirvəyə çatdıqda isə Fink özünü fövqəltəbii mənzərələri xatırladan bir cəhənnəmin içində tapır.