Nathan Harper uzun zamandır başqasının həyatını yaşadığını hiss edir. Günlərin birində öz uşaqlıq fotosunu itkin şəxslərin şəkillərinin yayımlandığı bir internet saytında görəndə, Nathanın kabusu gerçəyə çevrilir: valideynləri sandığı insanların onun əsl ailəsi olmadığını və həyatının ağlasığmaz dərəcədə sirli və təhlükəli bir həqiqəti gizlətmək üçün diqqətlə qurulmuş yalandan ibarət olduğunu anlayır. Nathan əsl kimliyini tədricən üzə çıxarmağa başlayarkən peşəkar qatillərin hədəfinə çevrilir və həyatda güvənə biləcəyi yeganə insan olan qonşusu Karenlə birlikdə qaçmalı olur. Nathan və Karen bir orduya yetəcək qədər çoxsaylı sui-qəsdçidən və federal agentdən qaçarkən itirəcək bir saniyələri belə yoxdur. Lakin Nathan onu təqib edənlərin əlinə düşmək üzrəykən anlayır ki, sağ qalmağın və izsiz itən bioloji atasının sirrini açmağın yeganə yolu qaçmağa son qoyub nəzarəti yenidən öz əlinə almaqdır.