Ceyda Ateş

Ceyda Ateş Toplusoy (d. 14 oktyabr 1988, İstanbul), türk aktrisasıdır. Əslən Orduludur. 5 yaşında Neşe Erberkin təşkil etdiyi uşaq gözəllik yarışmasında uşaq gözəli seçildi. Barış Manço Mədəniyyət Mərkəzində teatr təhsili aldı. Gurbet Kadını, Aşk Oyunu, Elveda Rumeli və Cennet Mahallesi kimi seriallarda rol aldı. 2008-ci ildə Çılgın Dersane Kampta adlı bədii filmdə çəkildi. Həmçinin Kavak Yelleri serialına qonaq aktyor kimi daxil oldu, daha sonra bir mövsüm (3-cü mövsüm) ərzində serialda rol aldı. Ardınca Yer Gök Aşk serialında bir müddət qonaq aktyor kimi çıxış etdi. Daha sonra Adını Feriha Koydum serialında rol aldı. 2011-ci ildə Güven Baran və Duygu Çetinkayanın “Kıvılcım” mahnısının klipində yer aldı. Həmin il Ferdi Merterin yazdığı “Tetikçi” tamaşasında Furkan Palalı ilə birlikdə çıxış etdi. Adını Feriha Koydum serialından 2-ci mövsümün sonunda ayrıldı və baş rollarını Özgür Çeviklə paylaşdığı Evlerden Biri serialında Nursen obrazını canlandırdı. Emir'in Yolu televiziya serialının 73-cü bölümündə geri qayıtdı. 2012-ci ildə dezodorant markası Axe-ın rəqəmsal reklam siması oldu. 2019–2020-ci illərdə yayımlanan Çocuk serialında Şule Karasu obrazı ilə baş rolda yer aldı.