Austin Williams

Vikipediyadan, azad ensiklopediyadan Austin Williams (13 noyabr 1996-cı il təvəllüdlü) amerikalı sabun operası aktyorudur. 2005-ci ildə Austin, baş rollarda Matt Damonun çəkildiyi "The Good Shepherd" filmində Damonun canlandırdığı Edward Wilson obrazının gənclik illərini oynamaq üçün seçilmişdir. 2007-ci ilin oktyabrında o, bu gün də davam etdirdiyi "One Life to Live" serialında Shane Morasco roluna çəkilmişdir. 2008-ci ildə o, 2007-ci il istehsalı olan "Michael Clayton" filmindəki Henry Clayton rolu ilə "Bədii filmdə ən yaxşı ifa - on yaş və ya daha kiçik gənc aktyor" kateqoriyasında "Young Artist Award" mükafatına namizəd göstərilmişdir. Austin hazırda Nyu-Cersi ştatının Hackensack şəhərində yerləşən elit orta məktəb Bergen County Academies-də təhsil alır. Williamsın özü kimi aktrisa olan Amber Joy Williams adlı kiçik bacısı var. Onların hər ikisi "Home Movie" filmində əkizləri canlandırıblar. Yuxarıdakı təsvir CC-BY-SA lisenziyası altında olan Vikipediyanın Austin Williams məqaləsindən götürülmüşdür, töhfə verənlərin tam siyahısı Vikipediyadadır.