Eddie Murphy

Edward “Eddie” Regan Murphy (d. 3 aprel 1961) amerikalı aktyor, səsləndirmə sənətçisi, kinorejissor, prodüser, komediyaçı və müğənnidir. O, kino tarixinin ən çox gəlir gətirən ikinci aktyorudur. 1980-ci ildən 1984-cü ilə qədər "Saturday Night Live" verilişində daimi rol almış və stend-ap komediyaçı kimi çıxış etmişdir. Comedy Central-ın "Bütün Zamanların Ən Böyük 100 Stend-apçısı" siyahısında 10-cu yerdə qərarlaşıb. "Beverly Hills Cop", "Trading Places" və "The Nutty Professor" filmlərindəki ifalarına görə komediya və ya müzikl janrında ən yaxşı kişi aktyor, "48 Hrs" filmindəki roluna görə isə "İlin Yeni Ulduzu - Kişi Aktyor" nominasiyasında "Qızıl Qlobus" mükafatına namizəd göstərilib. 2007-ci ildə "Dreamgirls" filmində canlandırdığı soul müğənnisi James “Thunder” Early rolu ilə "Ən yaxşı ikinci plan kişi aktyoru" nominasiyasında "Qızıl Qlobus" mükafatını qazanıb və eyni rolla "Ən yaxşı ikinci plan kişi aktyoru" kateqoriyasında "Oskar" mükafatına namizəd olub. Murphy-nin səsləndirmə sənətçisi kimi gördüyü işlər arasında "The PJs" cizgi filmində Thurgood Stubbs, "Shrek" seriyasında Donkey və Disney-in "Mulan"ında əjdaha Mushu obrazları yer alır. O, bəzi filmlərində, "Dr. Strangelove" və digər ekran işlərində birdən çox rol oynayan kumiri Peter Sellers-a hörmət əlaməti olaraq, əsas obrazla yanaşı, bir neçə fərqli rolu da canlandırır. Murphy "Coming to America", Wes Craven-in "Vampire In Brooklyn", "Nutty Professor" filmləri (iki hissədə baş rolla yanaşı, atası, qardaşı, anası və nənəsini də canlandırıb), "Bowfinger" və 2007-ci il istehsalı olan "Norbit" filmlərində birdən çox obrazı ifa edib.