Amanda Seyfried

Amanda Michelle Seyfried 3 dekabr 1985-ci ildə Pensilvaniya ştatının Allentown şəhərində dünyaya gəlib. Anası terapevt, atası isə əczaçıdır. Erkən yaşlarından sənətə maraq göstərən Seyfried 11 yaşında modellik etməyə başlayıb və gənclər üçün yazılmış "Sweet Valley High" romanlar seriyasının üz qabığında yer alıb. Eyni dövrdə səs təlimi və opera dərsləri alaraq istedadını təkmilləşdirib. Aktyorluq karyerasına 15 yaşında "As the World Turns" və "All My Children" kimi teleseriallarda aldığı rollarla başlayıb. Kino dünyasına girişi 2004-cü il istehsalı olan kult gənclik komediyası "Mean Girls" (Kötü Kızlar) ilə olub. Lindsay Lohan və Rachel McAdams kimi adlarla birlikdə rol aldığı bu filmdə canlandırdığı "Karen Smith" obrazı ilə geniş kütlələrə tanınıb və diqqətləri üzərinə çəkib. Filmindəki performansı ilə "Ən yaxşı ekran heyəti" nominasiyasında MTV Film Mükafatı qazanıb. Bu uğurdan sonra "Veronica Mars" serialındakı Lilly Kane rolu və xüsusilə HBO-nun bəyənilən dramı "Big Love" (2006-2011) serialında canlandırdığı Sarah Henrickson obrazı ilə dramatik aktyorluqdakı bacarığını da sübut edib. Amanda Seyfriedi beynəlxalq ulduza çevirən layihə Meryl Streep ilə baş rolu paylaşdığı 2008-ci il istehsalı olan "Mamma Mia!" müziklı olub. Filmdəki Sophie rolu və ifa etdiyi ABBA mahnıları ilə dünya miqyasında böyük şöhrət qazanıb və filmin kassa uğuru karyerasında bir dönüş nöqtəsi olub. O, bu rolu 2018-ci ildə çəkilən "Mamma Mia! Here We Go Again" (Mamma Mia! Yeniden Başlıyoruz) davam filmində yenidən canlandırıb. 2010-cu illər boyunca romantik filmlərdən tutmuş trillerə, dramdan komediyaya qədər geniş bir janr spektrində rollar alıb. "Dear John" (Sevgili John) (2010), "Letters to Juliet" (Aşk Mektupları) (2010), "In Time" (Zamana Karşı) (2011) kimi ekran əsərlərində rol alıb. 2012-ci ildə Victor Hugonun klassik əsəri əsasında çəkilmiş "Les Misérables" (Sefiller) müziklində Cosette obrazını canlandıraraq tənqidçilərin rəğbətini qazanıb. Həmçinin, "Lovelace" (2013) filmində canlandırdığı Linda Lovelace obrazı ilə cəsarətli bir performans nümayiş etdirib. Karyerasındakı digər mühüm zirvəni David Fincherin rejissoru olduğu "Mank" (2020) filmi ilə yaşayıb. Bu filmdəki Marion Davies performansı ilə "Ən yaxşı ikinci plan qadın oyunçu" nominasiyasında ilk dəfə Akademiya Mükafatına (Oskar) namizəd göstərilib. Televiziyadakı uğurunu isə 2022-ci ildə "The Dropout" adlı mini-serialla taclandırıb. Fırıldaqçı sahibkar Elizabeth Holmes obrazını canlandırdığı bu rola görə "Qızıl Qlobus" və mini-serial/TV filmi kateqoriyasında "Ən yaxşı qadın oyunçu" üzrə "Emmi" mükafatını qazanıb.