Brian Garfield

Brian Francis Wynne Garfield (26 yanvar 1939 – 29 dekabr 2018) amerikalı roman yazıçısı və ssenarist idi. O, ilk nəşr olunmuş kitabını on səkkiz yaşında yazıb və məşhurlaşmazdan əvvəl “Frank Wynne” və “‘Brian Wynne” kimi təxəllüslərlə bir neçə roman qələmə alıb. Onun Hopscotch kitabı 1976-cı ildə ən yaxşı roman nominasiyasında Edgar mükafatına layiq görülüb. O, daha çox 1972-ci ildə yazdığı Death Wish romanı ilə tanınır; bu əsər 1974-cü ildə eyniadlı filmə uyğunlaşdırılıb, ardınca dörd davam filmi çəkilib və yeni remeykinin hazırlanması planlaşdırılır. Death Wish romanının 1975-ci ildə nəşr olunan davamı Death Sentence də eyniadlı filmə çox sərbəst şəkildə uyğunlaşdırılıb və 2007-ci ilin sonlarında kinoteatrlarda nümayiş etdirilib. Filmin süjet xətti tamamilə fərqli olsa da, romandakı özbaşına ədalət anlayışını qoruyub. Garfield həmçinin Pulitser tarix mükafatının finalçılarından biri olmuş The Thousand-Mile War: World War II in Alaska and the Aleutians kitabının müəllifidir. Garfieldin 2007-ci ildə nəşr olunan son kitabı mübahisəli britaniyalı kəşfiyyat zabiti Richard Meinertzhagenin bioqrafiyası olan Meinertzhagendir.