Mía Maestro

Mía Maestro (19 iyun 1978-ci ildə Buenos-Ayresdə, Argentinada anadan olub) italyan, isveçrə-fransız və ispan mənşəli argentinalı aktrisa və müğənni-bəstəkardır. 18 yaşında klassik vokal ifasını və Brext teatrı aktyorluq texnikalarını öyrənmək üçün Berlinə köçüb, iki il sonra Argentinaya qayıdıb və Carlos Saura-nın “Tango” (1998) filmində debüt edib. Film ən yaxşı xarici dildə film nominasiyalarında “Qızıl Qlobus” və “Oskar” mükafatlarına namizəd göstərilib. Onun Hollivuddakı sıçrayışı J.J. Abramsın, əvvəlcə “Lost” serialında rol almaq ümidi ilə tanış olduğu Mía-nı “Alias” (2004–2006) serialında Nadia Santos roluna çəkməsi ilə baş verib. O, 2014-cü ildə ilk musiqi albomu “Si Agua”nı da yayımlayıb və The Last Prisoner Project vasitəsilə cinayət ədliyyəsi islahatlarını dəstəkləyir. Onun diqqətçəkən film rollarına “Timecode” (2000) (Samuel L. Jackson, Salma Hayek), “Frida” (2002) (Salma Hayek, Alfred Molina), “The Motorcycle Diaries” (2004) (Gael García Bernal, Rodrigo de la Serna), “Poseidon” (2006) (Kevin Bacon, Jennifer Connelly), “The Box” (2007) (Cameron Diaz, Frank Grillo), “Visioneers” (2008) (Zach Galifianakis, Judy Greer), “The Twilight Saga: Breaking Dawn – Part 1” (2011) (Kristen Stewart, Robert Pattinson), “Savages” (2012) (Benicio Del Toro, Salma Hayek), “Some Girl(s)” (2013) (Anna Kendrick, Jai Courtney) və “End of the Century” (2019) (Luis Luque, Dolores Fonzi) filmləri daxildir. Televiziyada isə o, ən çox “The Strain” (2014–2015) serialında Dr. Nora Martinez və “Alias” (2004–2006) serialında Nadia Santos rolları ilə tanınır.