Taylor Handley

Teylor Lorens Hendli (1 iyun 1984-cü il təvəllüdlü) amerikalı aktyordur. 1998-ci ildə Teylor "Cek Frost" filmində Rori Bak obrazını canlandırıb. 2000-ci ildə Hendli "Disney Channel"ın orijinal filmi olan "Fantom of the Meqapleks"də baş rolda çəkilib. Hendli "Dousons Krik" serialının son mövsümündə üç epizodda, "CSI: Cinayət yerinin araşdırılması" serialında isə qonaq aktyor kimi rol alıb. 2003/2004-cü illərdə Hendli "The O.C." serialının birinci mövsümünün altı epizodunda psixi cəhətdən qeyri-sabit yeniyetmə Oliver Trask obrazını canlandırıb. 2006-cı ildə Hendli üç filmdə: "The Standard", "Texasda qətliam: Başlanğıc" və "Zerofiliya"da rol alıb. Hendlinin növbəti filmi olan "Sentyabr sübhü" 24 avqust 2007-ci ildə kinoteatrlarda nümayiş olunub. 2007-ci ildə Hendli "CW" telekanalının qısaömürlü "Hidden Palms" serialında Conni Miller obrazını canlandırıb. 9 aprel 2009-cu ildə o, "Sautlend" serialının pilot bölümündə qonaq aktyor kimi çıxış edərək Ueyd obrazını oynayıb. O, ikinci mövsümün ikinci bölümündə yenidən Ueyd obrazı ilə geri qayıdıb.