Cole Hauser

Koul Kennet Hauzer (22 mart 1975-ci il təvəllüdlü) amerikalı kino və televiziya aktyorudur. O, daha çox "Transcendence" filmində polkovnik Stivens, "Olympus Has Fallen" filmində Roma, "A Good Day to Die Hard" filmində Mayk Kollinz, "Tyler Perry's The Family That Preys" filmində Uilyam Kartrayt, "The Break-up" filmində Lupus Qrobowski, "2 Fast 2 Furious" filmində Karter Verone, "Tears of the Sun" filmində Ceyms "Red" Atkins, "Hart's War" filmində ştab-serjant Vik Bedford, "Pitch Black" filmində Uilyam Cons, "Good Will Hunting" filmində Billi Makbrayd, "Dazed and Confused" filmində Benni O'Donnell və "School Ties" filmində Cek Konnors rolları ilə tanınır. Onun ən məşhur televiziya rolları arasında Paramount TV-nin vestern dramı "Yellowstone"-da Rip Uiler, Lifetime TV-nin "The Lizzie Borden Chronicles" serialında Çarli Sirinqo, Audience Network-ün "Rogue" dramında İtan Kelli, NBC-nin "Chase" dramında ABŞ marşalı Cimmi Qodfri və ABC-nin polis dramı "High Incident"-də zabit Rendi Villits yer alır. Atası tərəfdən babası ssenarist, aktyor və kino prodüseri Duayt Hauzer olub. Anası tərəfdən babası isə 20th Century Fox və Warner Bros. studiyalarında ssenarist və kino prodüseri kimi fəaliyyət göstərmiş Milton Sperlinqdir. Ulu babası Harri Uorner studiya rəhbəri, Warner Bros.-un (üç kiçik qardaşı ilə birlikdə) qurucularından biri və kino sənayesinin inkişafına böyük töhfələr vermiş şəxsiyyətlərdən biri olub.