Andy Samberg

Endi Samberq (doğum adı Devid A. C. Samberq; 18 avqust 1978) amerikalı aktyor, komediyaçı, musiqiçi, prodüser və yazıçıdır. O, "The Lonely Island" komediya musiqi qrupunun üzvüdür və 2005-2012-ci illərdə "Saturday Night Live" şousunun heyətində yer alıb; burada o və qrup yoldaşları "SNL Digital Shorts"un populyarlaşmasında böyük rol oynayıblar. Samberq "Hot Rod" (2007), "I Love You, Man" (2009), "That's My Boy" (2012), "Celeste and Jesse Forever" (2012), "Popstar: Never Stop Never Stopping" (2016) və "Palm Springs" (2020) kimi bir sıra filmlərdə baş rolları ifa edib. O, həmçinin "Space Chimps" (2008), "Cloudy with a Chance of Meatballs" film seriyası (2009–2013), "Hotel Transylvania" film seriyası (2012–2022) və "Storks" (2016) animasiya filmlərində əsas personajları səsləndirib. 2013-2021-ci illərdə o, əvvəlcə "Fox", daha sonra isə "NBC" kanalında yayımlanan və prodüseri olduğu "Brooklyn Nine-Nine" polis sitkomunda Ceyk Peralta obrazını canlandırıb. Bu serialdakı işinə görə o, 2013-cü ildə "Müzikli və ya komediya janrında ən yaxşı televiziya aktyoru" kateqoriyasında "Qızıl Qlobus" mükafatına layiq görülüb.