Leonardo DiCaprio

Leonardo Wilhelm DiCaprio (d. 11 noyabr 1974), amerikalı aktyor və prodüserdir. DiCaprio aktyorluq karyerasına 1990-cı illərin əvvəllərində televiziya reklamlarında görünərək başladı və ardından Santa Barbara və Growing Pains kimi seriallarda rol aldı. 1991-ci ildə Mahluklar 3 filmindəki Josh rolu ilə kino karyerasına qədəm qoydu. 1993-cü ildə Bu Çocuğun Hayatı filmində baş rolda oynadı. Elə həmin il Gilbert'in Hayalleri filmindəki oyunu ilə Ən Yaxşı İkinci Plan Aktyoru kateqoriyasında ilk Akademiya namizədliyini əldə etdi. Günlük və Romeo + Juliet filmləri ilə geniş kütlə tərəfindən tanınmağa başladı. 1997-ci ildə James Cameron-un Titanik filmi ilə beynəlxalq şöhrət qazandı. 2000-ci ildən bəri DiCaprio geniş janrlı filmlərdəki işləri ilə böyük bəyəni topladı. DiCaprio-nun sonrakı filmləri arasında Demir Maskeli Adam, bioqrafik cinayət dramı Sıkıysa Yakala və gələcəkdə dəfələrlə əməkdaşlıq edəcəyi Martin Scorsese ilə ilk filmi olan New York Çeteleri yer aldı. Ardından bioqrafik film Göklerin Hakimi, siyasi triller filmi Kanlı Elmas, cinayət filmi Köstebek, Yalanlar Üstüne, dram filmi Hayallerin Peşinde, psixoloji triller filmi Zindan Adası, elmi-fantastik film Başlangıç, bioqrafik film J. Edgar, vestern filmi Zincirsiz, dövr dramı Muhteşem Gatsby və bioqrafik cinayət filmi Para Avcısı filmlərindəki oyunu ilə rəğbət qazandı. Leonardo DiCaprio-nun Londondakı Madame Tussauds muzeyindəki mum heykəli. DiCaprio Göklerin Hakimi və Diriliş filmləri ilə Dram janrında Ən Yaxşı Aktyor, Para Avcısı filmi ilə isə Musiqili və Komediya janrında Ən Yaxşı Aktyor nominasiyasında Qızıl Qlobus mükafatlarını qazandı. Həmçinin Diriliş filmi ilə ilk Akademiya və BAFTA mükafatlarına layiq görüldü.