Tatiana Maslany

Tatiana Gabriele Maslany (22 sentyabr 1985-ci il təvəllüdlü) kanadalı aktrisadır. O, 2013–2017-ci illərdə yayımlanan elmi-fantastik triller janrındakı "Orphan Black" serialında bir neçə fərqli obrazı canlandıraraq şöhrət qazanmış, bu rolu ilə "Primetime Emmy" mükafatına (2016) və beş "Canadian Screen" mükafatına (2014–2018) layiq görülmüşdür. Maslany Kanada serialındakı aktyorluq fəaliyyətinə görə əsas dram kateqoriyasında "Emmy" mükafatı qazanan ilk kanadalıdır. Maslany həmçinin "Heartland" (2008–2010), "The Nativity" (2010), "Being Erica" (2009–2011), "Perry Mason" (2020) kimi seriallarda və "She-Hulk: Attorney at Law" (2022) serialında Jennifer Walters / She-Hulk obrazı ilə baş rolda çıxış etmişdir. Onun digər diqqətçəkən filmləri arasında "Diary of the Dead" (2007), "Eastern Promises" (2007), "The Vow" (2012), "Picture Day" (2012), "Cas and Dylan" (2013), "Woman in Gold" (2015), "Stronger" (2017) və "Destroyer" (2018) yer alır. O, "The Other Half" (2016) romantik dramındakı baş roluna görə "Ən yaxşı aktrisa" nominasiyasında "Canadian Screen" mükafatını qazanmışdır.