Christopher Markus

Kristofer Markus (16 oktyabr 1969-cu il təvəllüdlü) və Stiven Makfili (24 fevral 1970-ci il təvəllüdlü) amerikalı ssenaristlər və prodüserlərdir. Makfili və Markus ABŞ-ın kino kassalarındakı gəlirlərinə görə bütün zamanların ikinci və üçüncü ən uğurlu ssenaristləri olub, birlikdə 3,1 milyard dollardan çox gəlir əldə etmişlər. Bununla belə, ümumilikdə onlar dünya üzrə 9,3 milyard dollarlıq ümumi gəlirlə ən çox gəlir gətirən ssenaristlərdir. Onlar "Narniya xronikaları" film franşizası və "Marvel Kinematoqrafiya Kainatı" (MCU) daxil olmaqla, gördükləri işlərə görə dünya miqyasında tanınıblar. Belə ki, onlar "Tor: Qaranlıq dünya", "Qisasçılar: Sonsuzluq savaşı" və hazırda inflyasiya nəzərə alınmadan bütün zamanların ən çox gəlir gətirən ikinci filmi olan "Qisasçılar: Final" ilə yanaşı, ilk üç "Kapitan Amerika" filminin ("İlk qisasçı", "Qış əsgəri" və "Vətəndaş müharibəsi") ssenarisini yazıblar. Onlar, həmçinin MCU-da cərəyan edən ABC-nin "Agent Karter" serialını da yaradıblar.