Amber Heard

Amber Laura Heard (22 aprel 1986-cı il təvəllüdlü) amerikalı kino və televiziya aktrisasıdır. Bir sıra kiçik kino və televiziya rollarından sonra Heard ilk baş rolunu "All the Boys Love Mandy Lane" (2006) qorxu filmində canlandırıb. O, ilk dəfə "Never Back Down" (2008) döyüş filmi və "Pineapple Express" (2008) komediya filmindəki ikinci dərəcəli rolları ilə geniş kütlə tərəfindən tanınıb. Növbəti illərdə o, "The Joneses" (2009), "The Ward" (2010), "The Rum Diary" (2011), "Drive Angry" (2011), "Machete Kills" (2013) və "Magic Mike XXL" (2015) kimi filmlərdə rol alıb. 2017-ci ildə Heard "Justice League" (2017), "Aquaman" (2018) və "Zack Snyder's Justice League" (2021) superqəhrəman filmlərində Atlantida kraliçası Mera obrazını canlandırmaq üçün DC Genişləndirilmiş Kainatına qoşulub. Aktrisalıq fəaliyyəti ilə yanaşı, Heard 2018-ci ildən bəri kosmetika nəhəngi L'Oréal Paris-in qlobal simasıdır. O, həmçinin insan hüquqları sahəsində fəallıq göstərir.