Maya Sansa

Maya Sansa (25 sentyabr 1975-ci ildə anadan olub) italyan aktrisadır. Maya Sansa Romada iranlı ata və italyan ananın qızı olaraq dünyaya gəlib. 14 yaşında Romadakı “Virgilio” liseyində aktyorluq öyrənməyə başlayıb. Daha sonra Guildhall Musiqi və Dram Məktəbində təhsil almaq üçün Londona köçüb. Orada aktyorluq ixtisası üzrə məzun olub və qısa müddət sonra Marco Bellocchio tərəfindən onun yeni filmi La balia-da rol almağa seçilib. Maya daha sonra Bellocchio ilə ikinci dəfə əməkdaşlıq edərək Goodmorning, Night filmində baş rolda çəkilib. Sansa, həmçinin Marco Tullio Giordana ilə The Best of Youth filmində çalışıb. 2 may 2004-cü ildə The New York Times onu İtaliya kinosunun yeni siması adlandıran məqalə dərc edib. 14 iyun 2013-cü ildə Dormant Beauty filmindəki roluna görə Ən yaxşı ikinci plan aktrisası nominasiyasında David di Donatello mükafatını qazanıb. Onun Parisdə birlikdə yaşadığı partnyoru Fabrice Scott-dan Talitha adlı qızı var. Mənbə: CC-BY-SA 3.0 lisenziyası ilə yayımlanan, İngilis dilindəki Wikipedia-da “Maya Sansa” məqaləsi.