Aunjanue Ellis-Taylor

Anjanu Ellis-Teylor (21 fevral 1969-cu il təvəllüdlü) amerikalı aktrisadır. O, "Oskar", "Qızıl Qlobus" və iki "Praymtaym Emmi" mükafatına namizədlik də daxil olmaqla, bir çox mükafatlara layiq görülüb. O, "Men of Honor" (2000), "Undercover Brother" (2002), "Ray" (2004), "Freedomland" (2006), "The Taking of Pelham 123" (2009), "The Help" (2011), "The Birth of a Nation" (2016) və "If Beale Street Could Talk" (2018) kimi çoxsaylı filmlərdə rol alıb. O, "King Richard" (2021) idman dramında Orasin Prays obrazını canlandırdığına görə "Oskar"ın "Ən yaxşı ikinci plan qadın roluna görə" mükafatına namizəd göstərilib. Bundan sonra o, "The Color Purple" (2023), "Origin" (2023) və "Nickel Boys" (2024) filmlərində baş rolları ifa edib. Televiziyada Ellis "High Incident" (1996–1997), "The Practice" (1999), "True Blood" (2008) və "The Mentalist" (2010–2013) seriallarında daimi və dövri rollarda çıxış edib. O, həmçinin "Gifted Hands: The Ben Carson Story" (2009), "Abducted: The Carlina White Story" (2013) və "The Clark Sisters: First Ladies of Gospel" (2020) kimi bir neçə televiziya filmində, eləcə də "The Book of Negroes" (2015) mini-serialında və "Quantico" (2015–2017) serialında rol alıb. O, "When They See Us" (2019) mini-serialındakı və "Lovecraft Country" (2021) serialındakı rollarına görə iki dəfə "Praymtaym Emmi" mükafatına namizəd göstərilib.