Denis Akiyama

Vikipediyadan, azad ensiklopediyadan Denis Van Akiyama (28 may 1952 – 28 iyun 2018) yapon əsilli kanadalı aktyor və səsləndirmə sənətçisi idi. O, daha çox "X-Men" cizgi filmində Iceman/Bobby Drake, Silver Samurai/Kenuichio Harada və Sunfire, eləcə də "Sailor Moon"un orijinal ingilisdilli versiyasında Malachite obrazlarını səsləndirməsi ilə tanınır. O, "Johnny Mnemonic" filmində Shinji rolunu oynamışdır. Akiyama Kanadanın Ontario əyalətinin Toronto şəhərində anadan olub. O, həmçinin "Katts and Dog" serialında tez-tez qonaq aktyor kimi çıxış edib. 2015-ci ildə "Pixels" filmində rol alıb. Denis Akiyama istedadlı musiqiçi idi və "The Pukka Orchestra"da truba ifa edirdi. Akiyama 28 iyun 2018-ci ildə "çox nadir və aqressiv xərçəng" xəstəliyindən vəfat edib. Onun və həyat yoldaşı Danielle-in Kintaro və Miya adlı iki övladı var idi.