Christopher McDonald

Kristofer Makdonald (15 fevral 1955-ci il təvəllüdlü) amerikalı aktyordur. O, "Happy Gilmore" və "61" filmlərindəki rolları ilə tanınır. Makdonaldın digər diqqətçəkən film rolları arasında "Grease 2" (1982) filmində "T-Birds" üzvü Qus Makkenzi, "Thelma & Louise" (1991) filmində keçmiş nişanlısı Cina Devisin tərəf müqabili Derryl Dikinson, "Leave It to Beaver" (1997) film adaptasiyasında Uord Kliver və "Requiem for a Dream" (2000) filmində Tappi Tibbons obrazları var. O, çoxsaylı müstəqil və azbüdcəli filmlərdə rol almaqla yanaşı, "Grumpy Old Men" (1993), "Flubber" (1997), "Rumor Has It" (2005), "The House Bunny" (2008) və "About Last Night" (2014) kimi kassada uğur qazanmış filmlərdə ikinci dərəcəli obrazları canlandırıb. Televiziyada isə Makdonald "Walter & Emily" (1991–1992, NBC), "Good Advice" (1993–1994, CBS), "Family Law" (1999–2002, CBS), "Cracking Up" (2004–2006, FOX) və "Harry's Law" (2011–2012, NBC) kimi televiziya şoularının daimi heyətində yer alıb. 2022-ci ildə Makdonald "Hacks" adlı HBO Max serialında kazino icraçı direktoru Marti Qilen rolu ilə komediya serialında ən yaxşı qonaq aktyor nominasiyasında "Primetime Emmy" mükafatına namizəd göstərilib.