Andrea M. Catinella

Andrea M. Catinella Londonda yaşayan italyan rejissor və ssenaristdir. O, MET Film School, National Film and Television School və Raindance Film School-da rejissorluq və kino çəkilişi üzrə kursları bitirib. Rejissor kimi ilk işi Böyük Britaniyada tanınmış bir rom brendi üçün reklam çarxı olub. Daha sonra müxtəlif müştərilər üçün reklam və musiqi videoları yazıb və çəkib. Son iki il ərzində festivallarda nümayiş olunan və beynəlxalq səviyyədə çoxsaylı mükafatlar qazanan üç qısametrajlı filmə rejissorluq edib. Müxtəlif kamera və obyektivlər barədə biliyə malik olması, eləcə də video montajı bacarması Andrea-ya eksperimentlər aparmağa, kadr quruluşunu və çəkilişləri hərtərəfli anlamağa, həmçinin öz baxışını təsvir rejissoruna çatdırmağa imkan verir. Onun hekayələrində təsvir etdiyi personajlar daxildən sarsılmış insanlardır və özləri haqqında müəyyən həqiqətlərə varmaq üçün emosional mübarizə aparırlar. Onun üslubuna Quentin Tarantino, Nicholas Refn və Sam Mendes kimi rejissorlar ilham verir.