Judd Apatow

Cadd Apatow (6 dekabr 1967-ci il təvəllüdlü) komediya janrındakı filmləri ilə tanınan amerikalı rejissor, prodüser, ssenarist və komediyaçıdır. Apatow "The 40-Year-Old Virgin" (2005), "Knocked Up" (2007), "Funny People" (2009), "This Is 40" (2012), "Trainwreck" (2015), "The King of Staten Island" (2020) və "The Bubble" (2022) kimi filmlərin ssenaristi, prodüseri və rejissoru olduğu "Apatow Productions" şirkətinin təsisçisidir. O, öz şirkəti vasitəsilə "Freaks and Geeks" (1999–2000), "Undeclared" (2001–2002), "Funny or Die Presents" (2010–2011), "Girls" (2012–2017), "Love" (2016–2018) və "Crashing" (2017–2019) televiziya seriallarının istehsalı və inkişafı ilə məşğul olub. O, həmçinin "The Cable Guy" (1996), "Anchorman: The Legend of Ron Burgundy" (2004), "Talladega Nights: The Ballad of Ricky Bobby" (2006), "Superbad" (2007), "Pineapple Express" (2008), "Forgetting Sarah Marshall" (2008), "Get Him to the Greek" (2010), "Bridesmaids" (2011), "Begin Again" (2013) və "The Big Sick" (2017) filmlərinin prodüseri olub. Karyerası ərzində Apatow 11 dəfə "Primetime Emmy" mükafatına (üç qələbə), beş dəfə "Writers Guild of America" mükafatına (bir qələbə), iki dəfə "Producers Guild of America" mükafatına, bir dəfə "Qızıl Qlobus" mükafatına və bir dəfə "Qremmi" mükafatına namizəd göstərilib.