Kristen Stewart

Kristen Jaymes Stewart (d. 9 aprel 1990), ABŞ aktrisası və rejissorudur. Los-Ancelesdə şou-biznesdə çalışan bir ailədə dünyaya gələn Stewart, karyerasına 1999-cu ildə uşaq aktrisa kimi başlayıb. 2002-ci ildə "Panic Room" filmində Jodie Foster-in qızını canlandırması ilə diqqətləri üzərinə çəkib. Daha sonra "Speak" (2004), "Catch That Kid" (2004), "Zathura: A Space Adventure" (2005) və "Into the Wild" (2007) filmlərində rol alıb. 2008-2012-ci illər arasında dünya miqyasında 3,3 milyard dollardan çox gəlir əldə edən "Alacakaranlık Efsanesi" (Twilight) film seriyasında Bella Swan rolu ilə tanınıb. Stewart yetkinlik dövründəki karyerası boyunca "Adventureland" (2009), "The Runaways" (2010), "Snow White and the Huntsman" (2012), "On the Road" (2012), "Camp X-Ray" (2014), "Still Alice" (2014) və "Equals" (2015) kimi müxtəlif filmlərdə rol alıb. 2015-ci ildə "Clouds of Sils Maria" filmindəki rolu ilə böyük bəyəni qazanıb və ən yaxşı ikinci plan qadın oyunçu kateqoriyasında César Mükafatını qazanan ilk amerikalı aktrisa olub. O, həmçinin "Café Society" (2016), "Personal Shopper" (2016), "Seberg" (2019), "Charlie's Angels" (2019) və "Underwater" (2020) filmlərində rol alıb.