Elliot Page

Elliot Page 21 fevral 1987-ci ildə Kanadanın Halifax şəhərində dünyaya gəlib. Anası Martha Philpotts müəllimə, atası Dennis Page isə qrafik dizayner idi. Halifax Grammar Məktəbi və Queen Elizabeth Liseyində təhsil alan Page, 2005-ci ildə Shambhala Məktəbini bitirib. Liseyi bitirdikdən sonra iki il müddətində Vaughan Road Akademiyasında İnteraksiya Proqramı üzrə təhsil alıb. Aktyorluğa 4 yaşında başlayan Page karyerasının bu ilk dövründə bir çox məktəb tamaşasında səhnəyə çıxıb. Kamera qarşısına ilk dəfə 1997-ci ildə CBC kanalında yayımlanan "Pit Pony" televiziya filmi ilə keçib. Page-in karyerasındakı ikinci mühüm film isə 2005-ci il istehsalı olan "Hard Candy" idi. Gənc aktyor bu filmə görə Austin Film Critics Association tərəfindən verilən "Ən yaxşı aktyor" mükafatını qazanıb. Page-i bütün dünyaya tanıdan və karyerasındakı ən önəmli film isə Jason Reitman-ın rejissoru olduğu "Juno" oldu. Filmdəki uğurlu ifası sayəsində aralarında BAFTA, Akademiya Mükafatları və Qızıl Qlobusun da olduğu 20-dən çox mükafat mərasimində "Ən yaxşı aktrisa" kateqoriyasında namizəd göstərilən Page, Austin, Chicago, Detroit və Houston Film Critics də daxil olmaqla 13 təşkilatda "Ən yaxşı aktrisa" mükafatına layiq görülüb. 01.12.2020-ci il tarixində sosial media hesabından trans olduğunu açıqlayan Page, yeni adının artıq Elliot Page olduğunu elan edib.