Laura Carmichael

Laura Carmichael britaniyalı aktrisadır. Onun televiziya fəaliyyətinə ITV (Böyük Britaniya) və PBS (ABŞ) telekanallarında yayımlanan tarixi dram janrındakı "Downton Abbey" serialında canlandırdığı Lady Edith Crawley obrazı, "Marcella" (2016) serialı və "A United Kingdom" (2016) bədii filmi daxildir. O, həmçinin "The Fitzrovia Radio Hour" qrupunun üzvüdür. Carmichael İngiltərənin Sauthempton şəhərində anadan olub. O, üç bacının ortancılıdır. Bacısı Amy proqram təminatı hazırlayan startap şirkətində, digər bacısı Olivia isə NHS-də xeyriyyə fondlarının toplanması üzrə çalışır. O, Shirley Junior School, The Mountbatten School və Peter Symonds College-də təhsil alıb. 2007-ci ildə Bristol şəhərindəki Bristol Old Vic Theatre School-u bitirən Carmichael, növbəti iki il ərzində kiçik teatrlarda keçirilən seçmələrə qatılmaqla yanaşı, müəllim köməkçisi, resepsionist və dayə kimi müxtəlif işlərdə çalışıb.