Paul Rudd

Pol Stiven Rad (6 aprel 1969-cu il təvəllüdlü) amerikalı aktyor, komediya ustası, ssenarist və prodüserdir. Aktyorluq karyerasına 1991-ci ildə başlamazdan əvvəl Kanzas Universiteti və Amerika Dramatik İncəsənət Akademiyasında teatr təhsili alıb. Radın filmləri arasında Clueless (1995), Halloween: The Curse of Michael Myers (1995), Romeo + Juliet (1996), The Object of My Affection (1998), Wet Hot American Summer (2001), Anchorman: The Legend of Ron Burgundy (2004), The 40-Year-Old Virgin (2005), Knocked Up (2007), This Is 40 (2012), Wanderlust (2012), Mute (2018), The Fundamentals of Caring (2016), Ideal Home (2018) və Ghostbusters: Afterlife (2021) yer alır. O, həmçinin Marvel Kinematoqrafiya Kainatında Qarışqa-adam rolunu oynamış, Ant-Man (2015), Captain America: Civil War (2016), Ant-Man and the Wasp (2018), Avengers: Endgame (2019), What If…? (2021) animasiya serialı və Ant-Man and the Wasp: Quantumania (2023) filmlərində rol almışdır. Kino karyerası ilə yanaşı, Rad bir çox televiziya proqramlarında da iştirak edib. NBC-nin Friends sitkomunda Mayk Hanniqan obrazını canlandırmış, Tim and Eric Awesome Show, Great Job!, Reno 911! və Parks and Recreation kimi proqramlarda qonaq aktyor kimi yer almış və Saturday Night Live verilişinə bir neçə dəfə aparıcılıq etmişdir. Netflix-in komediya serialı Living with Yourself-də ikili rolda oynamış və "Müzikal və ya komediya janrında ən yaxşı aktyor" nominasiyasında "Qızıl Qlobus" mükafatına namizəd olmuşdur. 2021-ci ildə The Shrink Next Door (2021) mini-serialında baş rolu ifa etmişdir. 2015-ci ilin iyul ayında Hollivud Şöhrət Xiyabanında ulduzla təltif olunub. 2019-cu ildə Forbes-in "Celebrity 100" siyahısına daxil edilib. 2021-ci ildə isə People jurnalı tərəfindən "Dünyanın ən seksual kişisi" seçilib.