George Segal

George Segal (13 fevral 1934 – 23 mart 2021) amerikalı aktyor və musiqiçi idi. Segal 1960 və 1970-ci illərdə həm dramatik, həm də komediya rolları ilə məşhurlaşmışdı. Onun ən çox bəyənilən rollarından bəziləri Ship of Fools (1965), King Rat (1965), Who's Afraid of Virginia Woolf? (1966), The St. Valentine's Day Massacre (1967), Where's Poppa? (1970), The Hot Rock (1972), Blume in Love (1973), A Touch of Class (1973), California Split (1974), For the Boys (1991) və Flirting with Disaster (1996) kimi filmlərdə olub. O, Who's Afraid of Virginia Woolf? filmindəki ifasına görə "Oskar"ın "Ən yaxşı ikinci plan aktyoru" nominasiyasına layiq görülüb və iki "Qızıl Qlobus" mükafatı qazanıb; bunlardan biri A Touch of Class filmindəki roluna görə "Müzikl və ya komediya janrında ən yaxşı aktyor" nominasiyası üzrə olub. Televiziyada o, daha çox Just Shoot Me! (1997–2003) serialında Jack Gallo və The Goldbergs (2013–hazırkı dövr) serialında Albert "Pops" Solomon rolları ilə tanınırdı. Segal həm də bacarıqlı bancou ifaçısı idi. O, üç albom buraxmış, həmçinin bir neçə filmində və gecə şoularında bu alətdə ifa etmişdi.