Demet Özdemir

Demet Özdemir 26 fevral 1992-ci ildə Kocaelidə dünyaya gəlib. Üç bacı-qardaşdırlar. Bir böyük qardaşı və bir böyük bacısı var. O, hələ kiçik yaşlarında valideynləri ayrıldığı üçün anası ilə birlikdə İstanbula köçüb. İstanbulda anası və bacısı ilə birgə yaşayıblar. Bacısı böyük fədakarlıq göstərərək işləyib və onun təhsil almasında böyük pay sahibi olub. Rəqsə olan marağı səbəbindən rəqs kursuna yazılıb və 1-2 il rəqslə məşğul olub. Daha sonra məktəbi buraxıb, axşam məktəbində təhsilini davam etdirərək məzun olub. Bengünün rəqs heyətindən ayrılmasından sonra Efes Kızları ilə rəqs etmək imkanı qazanıb. Məşhur aktrisanın boyu 1.70-dir. Aktyorluq karyerasına reklam filmlərində rol alaraq başlayıb. 2009-cu ildə Mustafa Sandalın iki mahnısının klipində rəqqasə kimi çıxış edib. 2012-ci ildə Pegasus reklamında rol alıb. 2013-cü ildə Blue Jean jurnalının təqvimində yer alıb. Liseydə oxuduğu dövrdə 3 ay müddətində xüsusi rəqs dərsləri alıb. Liseyi bitirdikdən sonra 2 il Şahika Tekandda teatr üzrə xüsusi təhsil alıb. İlk dəfə serialda 2013-cü ildə rol alıb. "Sana Bir Sır Vereceğim" adlı serialda Aylin obrazını canlandırıb. Daha sonra 2014-cü ildə "Kurt Seyit ve Şura" serialına Alya obrazı ilə daxil olub. Məşhur aktrisa 2014-cü ildə "Tut Sözünü" adlı kinofilmdə rol alıb, ardınca elə həmin il "Kaçak Gelinler" serialında oynayıb. Serialda Selin Şekerci, Furkan Andıç, Fırat Albayram kimi aktyorlarla birlikdə rol alıb.