Helen Carey

Helen Carey — 13 yanvar 1944-cü ildə ABŞ-ın Massaçusets ştatının Boston şəhərində anadan olmuş amerikalı aktrisa. Beynəlxalq səviyyədə (Ontario, Dublin, Vaşinqton, Broadway) çıxış etmiş görkəmli teatr aktrisası kimi London Assurance (1997) tamaşasındakı roluna görə Theatre World Award mükafatına layiq görülüb və Tony Award mükafatına namizəd olub. O, həmçinin Pygmalion, Anthony and Cleopatra, Macbeth və Hedda Gabler (2009, Juliane Tesman rolunda) tamaşalarında çıxış edib. Vaşinqtondakı çıxışlarına görə üç Helen Hayes Award mükafatına sahibdir. Onun ən diqqətçəkən kino rolları arasında The Pelican Brief (1993) filmində Federal məhkəmə katibi, Black Knight (2001) filmində Kraliça, The Emperor's Club (2002) filmində Miss Johnston, Little Children (2006, Kate Winslet ilə birlikdə) filmində Jean, 21 (2008) filmində Ellen Campbell, Julie & Julia (2009) filmində Louisette Bertholle və The Next Three Days (2010, Russell Crowe ilə birlikdə) filmində Grace Brennan obrazları var. Televiziyada o, daha çox Homicide: Life on the Street (1995–1997, 7 bölüm) serialında A.S.A. Maggie Conroy, Law & Order (1999–2005, 4 bölüm) serialında Charlotte Swan, Brotherhood (2006–2007, 6 bölüm) serialında Peggy Fitzgerald və House (2007) serialında hakim Helen Davis rolları ilə tanınır. O, həmçinin Seinfeld (1998), Without a Trace (2004), Political Animals (2012) və The Good Wife (2013) seriallarında qonaq qismində çıxış edib.