Burcu Özberk

Hacettepe Universitetinin Ankara Dövlət Konservatoriyasının Teatr fakültəsini bitirib. Aktrisalıq fəaliyyətinə Muhteşem Yüzyıl serialında canlandırdığı Huricihan Sultan obrazı ilə başlayıb. Güneşin Kızları serialındakı Nazlı Yılmaz obrazı onun karyerasında dönüş nöqtəsi olub. Erdal Beşikçioğlunun Tatbikat Sahnesi teatrında Marquis de Sade Quills və Woyzeck Masalı tamaşalarında rol alıb. 2017–2018-ci illərdə TRT 1-də yayımlanan Aslan Ailem serialında çəkilib. Ardınca Direniş Karatay filmində Türkan obrazını canlandırıb. Daha sonra 2019–2020-ci illərdə Çağlar Ertuğrul ilə birlikdə Kanal D-də yayımlanan Afili Aşk serialında rol alıb. Bu serialdakı roluna görə Altın Kelebek mükafatlarında Romantik Komediyada Ən Yaxşı Qadın Aktrisa mükafatını qazanıb. 2020-ci ildə FOX kanalında yayımlanan Çocukluk (digər adı Kimsesizler) serialında Ayşegül obrazını canlandırıb. 2021–2022-ci illərdə isə həmin kanalda yayımlanan Aşk Mantık İntikam serialında Esra obrazı ilə baş rolda çıxış edib.