Frank Collison

Frenk Kollison (14 fevral 1950-ci il təvəllüdlü) amerikalı aktyordur. San-Fransiskodakı Amerika Konservatoriya Teatrında təhsil almış, San-Fransisko Dövlət Universitetində teatr üzrə bakalavr dərəcəsinə yiyələnmiş, Sierra Nevadada yay teatrı şirkətinin yaradılmasına köməklik göstərmiş, daha sonra isə Kaliforniya Universitetində (San-Dieqo) aktyorluq üzrə magistr dərəcəsi almışdır. Kollison peşəkar aktyorluq karyerasına başlamazdan əvvəl meşə yanğınsöndürəni, uşaq bezi xidməti dispetçeri və əvəzedici müəllim kimi çalışıb. 150-dən çox tamaşada rol alan Kollison Brodveydən kənar, həmçinin Boston, Denver və Kaliforniyadakı regional teatrlarda fəaliyyət göstərib. Onun teatr rolları "Yay gecəsində yuxu" tamaşasında "Pak", "Böyük ümidlər"də "Miss Havişem" və "Milad mahnısı"nda "Ceykob Marli" kimi müxtəlif obrazları əhatə edir. Frenk 25-dən çox "Los Angeles Drama Critics Circle" mükafatı qazanmış, Kaliforniyanın Venesiya şəhərindəki "Pacific Resident Theatre"in təsisçi üzvüdür. Kollison kino və televiziya karyerasına 1984-cü ildə Los-Ancelesə köçdükdən sonra başlayıb. O, daha çox "Dr. Quinn, Medicine Woman" (1993) serialındakı bəxtsiz teleqrafçı "Horas Binq" və "O Brother, Where Art Thou?" filmindəki "Voş Hoquollop" rolları ilə tanınır.