Vanessa Morgan

Vanessa Morgan Mziray (23 mart 1992-ci il təvəllüdlü) kanadalı aktrisadır. Şotlandiyalı ana və tanzaniyalı atanın övladı olan Vanessa istedadını erkən yaşlarından büruzə verib və altı yaşında mahnı oxumağa başlayıb. Colonel By orta məktəbini bitirdikdən sonra Kinqstondakı Queen’s Universitetində fəlsəfə ixtisası üzrə təhsil alıb. Səkkiz yaşında "A Diva’s Christmas Carol" televiziya filmindəki rolu ilə ekran debütünü edib. "Riverdale" serialının 2-ci mövsümündən etibarən canlandırdığı Toni Topaz obrazı ilə məşhurlaşıb və daha altı mövsüm bu rolu davam etdirib. CBC 2023-cü ilin oktyabrında onun Giacomo Gianniotti ilə birlikdə "Wild Cards" serialında baş rollardan birini oynayacağını elan edib.