Emilia Jones

Emilia Annis I. Jones (23 fevral 2002-ci ildə anadan olub) britaniyalı aktrisadır. O, ən çox kar valideynlərin övladını canlandırdığı CODA (2021) dram filmindəki baş rolu ilə tanınır və bu roluna görə “Ən yaxşı aktrisa” nominasiyasında Britaniya Kino və Televiziya Sənətləri Akademiyası mükafatına namizəd göstərilib. O, həmçinin Netflix-in Locke & Key (2020–2022) macəra serialında baş rolda çəkilib. Jones karyerasına uşaq aktrisa kimi Vest-End teatrında, Doctor Who (2013) və Utopia (2013–2014) seriallarında başlayıb. Onun əvvəlki filmləri arasında Brimstone (2016), Ghostland, Two for Joy (hər ikisi 2018-ci ildə) və Horrible Histories (2019) var.