Carlyle Eubank

Carlyle Eubank amerikalı yazıçı və rejissordur. O, baş rollarda Wyatt Russell və Dennis Quaidin çəkildiyi 2025-ci il istehsalı olan "Broke" filminin ssenari müəllifi və rejissorudur. Onun əvvəlki ssenarist işlərinə baş rollarda Aaron Eckhart və Stephen Langin yer aldığı və sentyabrın 29-da ABŞ kinoteatrlarında nümayiş olunan 2023-cü il istehsalı "Muzzle" filmi; baş rollarda Beau Knapp, Kurt Russell, Alexis Bledel və Luke Hemsworthun çəkildiyi, aprelin 12-də ABŞ kinoteatrlarında yayımlanan 2019-cu il istehsalı "Crypto" filmi; həmçinin baş rollarda Laurence Fishburne, Brenton Thwaites, Olivia Cooke və Beau Knappın oynadığı, premyerası 2014-cü ildə Sundance Film Festivalında baş tutan və iyunun 13-də ABŞ kinoteatrlarında nümayiş olunan 2014-cü il istehsalı "The Signal" filmi daxildir. Eubank Amherst Kollecində ingilis dili və ədəbiyyatı ixtisası üzrə təhsil alıb. Yazıçılıq fəaliyyəti zamanı Eubank yüngül atletika, kross qaçışı və alpinizm ekspedisiyaları kimi şəxsi təcrübələrindən ilham alıb. Dülgerliyə marağı olan Eubank həm 2011-ci il istehsalı "Love", həm də "The Signal" filmlərində dekorasiya ustası kimi çalışıb, üstəlik, sonuncu film üçün bir sıra qeyri-adi effektlər də hazırlayıb.