Greta Lee

Qreta Jiehan Li (7 mart 1983-cü il təvəllüdlü) amerikalı aktrisadır. O, Netflix-in komediya-dram janrında olan "Russian Doll" (2019–2022) serialında və Apple TV+-ın dram janrında olan "The Morning Show" (2021–hal-hazırda) serialında ikinci dərəcəli rollar oynamışdır. Sonuncu serial ona "Primetime Emmy" mükafatına namizədlik qazandırmışdır. O, "Past Lives" (2023) romantik dram filmindəki baş rolu ilə məşhurlaşmış və bu rola görə "Qızıl Qlobus" mükafatının "Ən yaxşı aktrisa" nominasiyasına namizəd göstərilmişdir. Li karyerasına teatrda başlamış, Brodveydəki debütünü "The 25th Annual Putnam County Spelling Bee" (2007) musiqili komediyası ilə etmişdir. O, 2010-cu ildə Brodvey və Vest-Enddə səhnələşdirilən "La Bête" komediya tamaşasının yenidən işlənilmiş versiyasında rol almışdır. 2011-ci ildə isə Linkoln Mərkəzi Teatrında Emi Hersoqun "4000 Miles" tamaşasında oynamışdır.