Şerif Erol

Şerif Erol (8 oktyabr 1963-cü ildə, Karşıyaka, İzmir şəhərində anadan olub) — türk teatr aktyoru, ssenarist və səsləndirmə sənətçisidir. Boğaziçi Universitetinin Fizika fakültəsinə qəbul olub, daha sonra İqtisadiyyat fakültəsinə keçib. Uzun müddət Boğaziçi Universiteti Aktyorları kollektivində çıxış edib və 1997-ci ildə Açık Radyo-da fəaliyyətə başlayıb. Teatra olan marağı səbəbilə teatr təhsili alıb və dərs deyib. Həmin dövrdə Nişantaşında yerləşən Stüdyo Oyuncuları Teatrında tamaşalarda oynayıb. 2008-ci ildə də Stüdyo Oyuncuları ilə birlikdə “Karanlık Korkusu” adlı tamaşada çıxışını davam etdirib, 2014-cü ildə isə Bilgi Universitetində yaradılmış Krek Teatrında “Babamın Cesetleri” tamaşasında baş rolu oynayıb. 2000-ci ildən etibarən “Bir İstanbul Masalı”, “Hırsız Polis”, “Bıçak Sırtı” və “Koyu Kırmızı” seriallarının ssenarisini yazıb. Bir müddət TRT-də səsləndirmə fəaliyyəti ilə məşğul olub.