Feridun Düzağaç

İbtidai təhsilini Adanadakı Hayriye Kemal Kusun İbtidai məktəbində alıb. Orta məktəbi isə Adanada Seyhan Orta məktəbində bitirib. Adana Borsa Liseyində oxuduğu illərdə məktəb xorunda ilk musiqi təcrübəsini qazanıb. Məzun olduqdan sonra Çukurova Universitetinin İqtisadi və İnzibati Elmlər fakültəsinin Biznesin idarə edilməsi ixtisasını bitirib. Universitet illərində məktəbdəki dostları ilə həvəskar şəkildə başladığı musiqi fəaliyyətində ilk dəfə Mersində Tını qrupunun solisti kimi insanların qarşısında mahnı oxumağa başlayıb. 1988-ci ildə Adanada Çukurova Universitetində oxuyarkən dörd dostu ilə birlikdə öz musiqilərini yaratmaq və öz mahnılarını yazmaq məqsədilə qurduqları TINI qrupu ilə mahnı yazmağa başlayıb. İlk bəstəsi Özdemir Asafın “Lavinya” mahnısı özəl radioların fəaliyyətə başladığı ilk dövrlərdə Ferdi Tayfurun “Emmoğlu” mahnısından sonra milli radiolardan birində ən çox sifariş edilən ikinci mahnı olub. 1990-cı ildə həmin universitetdə oxuyan 13 həvəskar şair dostu ilə birlikdə yazdıqlarını “İlk Rüzgâr” adlandırdıqları antoloji formatlı şeir kitabında nəşr etdirib. 1992-ci ildə Çukurova Universitetinin İqtisadiyyat fakültəsinin ingiliscə Biznesin idarə edilməsi bölməsini bitirib. Beş illik yaradıcılıq fəaliyyətlərinin xatirəsinə yazdırdıqları TINI demosu 1993-cü ilin noyabrında Ada Müzik tərəfindən “Öğrenci İndirimi” adı ilə nəşr olunub.