白石晃士

Koji Shiraishi (白石 晃士 Shiraishi Kōji) Yaponiyanın Fukuoka şəhərində doğulub və böyüyüb. Kyushu Sangyo University-də film çəkilişi ixtisası üzrə təhsilini başa vurduqdan sonra Gakuryū Ishii-nin August in the Water və Shinobu Yaguchi-nin WATER BOYS kimi filmlərində rejissor assistenti kimi çalışıb. O, Gakuryū Ishii-ni sevimli yapon rejissoru, Ishii-nin 1980-ci ildə çəkdiyi Crazy Thunder Road filmini isə ən sevdiyi film hesab edir. Bəyəndiyi digər rejissorlar arasında John Carpenter, Brian De Palma, Abbas Kiarostami və Sam Raimi də var. Sevdiyi filmlərə isə orijinal Dawn of the Dead (1978), The Evil Dead (1981), Evil Dead 2: Dead by Dawn (1987), The Thing (1982) və The Texas Chain Saw Massacre (1974) daxildir.