Peter Howitt

Peter Howitt (5 may 1957-ci ildə anadan olub) ingilis aktyor və kinorejissordur. O, Londonun Eltham və Kent qraflığının Bromley şəhərlərində böyüyüb. Peter Elthamda Christ Church kilsəsinin arxasındakı Priory-də fəaliyyət göstərən Priory Players truppasının üzvü olub. Onun Luke (1990-cı il təvəllüdlü) və Amy (2008-ci il təvəllüdlü) adlı iki övladı var. Hazırda Kanadanın Vankuver şəhərində yaşayır. O, ilk uğurunu Britaniyanın Bread televiziya serialında Joey Boswell rolunu ifa etməklə qazanıb. 1998-ci ildə ilk filmi olan Sliding Doors-u yazıb və rejissorluq edib. Bundan sonra AntiTrust (2001), Johnny English (2003), Laws of Attraction (2004) və Stuart Browne-un romanı əsasında ekranlaşdırdığı Dangerous Parking (2008) də daxil olmaqla bir neçə filmə rejissorluq edib. Dangerous Parking filminin həm prodüseri, həm rejissoru olub, həm də baş rolu ifa edib.